Учитель-методист, аслă категориллĕ учитель, Чăваш Республикин тава тивĕçлĕ вĕрентекенĕ, халăха вĕрентес ĕç отличникĕ, Пĕтĕм Раççейри вĕрентỹ ĕçченĕсен конкурсĕн лауреачĕ ЭвелинаАрсентьевна Карягина 75 çул каялла (11.08.1948) Патăрьелĕнче çуралнă.

Э. Карягина - И.Я.Яковлев ячĕллĕ Чăваш патшалăх педагогика институчĕн (халĕ универститет) выпускникĕ. 1970 çултан пуçласа Патăрьелĕнчи пĕрремĕш вăтам шкулта ачасене акăлчан чĕлхи вĕрентнĕ.

Çавăн пекех И.Н. Ульянов ячĕллĕ Чăваш патшалăх университечĕн Патăрьелĕнчи филиалĕнче аслă преподовательте тата Шупашкарти 24-мĕш вăтам шкулта акăлчан чĕлхи вĕрентекенĕ пулса тăрăшнă. Вăл акăлчан чĕлхине вĕрентекенсен Пĕтĕм тĕнчери конкурсне хутшăннă. Ăна ООН Верховнăй Комиссариачĕн управленийĕ акăлчан чĕлхине вĕрентес тĕлĕшпе Раççейри чи лайăх учитель тесе йышăннă. Пирĕн ентешĕмĕре "Чăваш автономи облаçне - 100 çул" асăну медалĕпе чысланă.

 ("Çулталăк кĕнекинчен")