Муниципалитетра вырмана "Батыревский", "Красное Знамя", "Весна", "Сидели" хуçалăхсем, "Авангард" пĕрлешĕвĕн "Патăрьел беконĕ" филиал, Патăрьелĕнчи улма-çырла питомникĕ, М. Лаврентьева, Ф. Чабатов, Т. Ермолаева фермер хуçалăхĕсем вĕçленĕ.

Августăн 14-мĕшĕ тĕлне пĕрчĕллĕ тата пăрçа йышши культурăсене 12657 гектар е мĕн пур лаптăкăн 75,2 процентĕнче пухса кĕртнĕ.

Вăтам тухăç пĕр гектартан 34,5 центнерпа танлашать.

 А. Петров фермер хуçалăхĕнче рапса 150 гектартан пухса кĕртнĕ, унăн тухăçĕ пĕр гектартан вăтамран 15 центнер тухнă.

Вăрлăх сухана 306 гектар (пурĕ 580 гектар йышăннă) е 52,8 процент пуçтарса кĕртнĕ. Вăтам тухăç - 121,7 центнер.

Выльăх апачĕ хатĕрлесси муниципалитетра малалла пырать. Утă - 13070 (101,3 процент), сенаж 27210 (102) тонна янтăланă.