Чăваш Республикин Пуçлăхĕн 2023 çулхи августăн 9-мĕшĕнче кăларнă 574-рг хушăвĕпе килĕшỹллĕн чăваш чĕлхипе тата литературипе, тутар чĕлхипе тата литературипе, мордва чĕлхипе тата литературипе регионсем тата Пĕтĕм тĕнчери халăхсем хушшинчи олимпиадисен çĕнтерỹçисемпе призерĕсене хатĕрленĕшĕн 19 вĕрентекене укçан хавхалантарма йышăннă.

Çак йыша пирĕн муниципалитет округĕн педагогĕсем те кĕнĕ. Çавна май Пăлапуç Пашьелĕнчи вăтам шкулти чăваш чĕлхипе литературине вĕрентекен Светлана Петровна Никитина, Патăрьелĕнчи пĕрремĕш вăтам шкулти чăваш чĕлхипе литературине вĕрентекен Наталия Алексеевна Путякова, Шăнкăртамри пĕрремĕш вăтам шкулти тутар чĕлхипе литературине вĕрентекен Зекия Шейхулловна Мтеева, Ыхра Çырминчи вăтам шкулта тутар чĕлхипе литературине вĕрентекен Гульнара Шейдулловна Тазетдинова 50-шар пин тенкĕ укçана тивĕçнĕ.

Альбина ИВАНОВА