ВАТТИСЕМ сăнанă тăрăх, Сăпас хыççăн шыв сивĕнет теççĕ. Çапах та шăрăх тăнăран шыва кĕме каякансем тупăнсах тăраççĕ. Ишес кăмăллисен вара хăрушсăрлăх йĕркине пăхăнмалли пирки манмалла мар. Пĕлнĕ-пĕлмен пĕвере чăмпăлтатса тухас тени те инкек патне илсе пыма пултарать.

Акă, çак кунсенче çеç Красноармейски округĕнчи пĕр ялта 17 çулхи каччă пĕвере путса вилнĕ. Сăмах май каласан, çулталăк пуçланнăранпа Чăваш Енре çак сăлтавпа 28 çыннăн пурнăçĕ татăлнă. Вĕсенчен 8-шĕ - çул çитмен ачасем. Пирĕн муниципалитет округĕнче вара пĕр çын шывран тухайман.