Раççейре хăмла ỹстерессине тата сăра тăвассине аталантарассине халалланă Чăваш Енри иккĕмĕш фестивале çĕршывăн 11 регионĕнчи 21 сăра тăвакан компани хутшăннă. Вăл шутра - Мари Эл, Тутарстан Республикисенчен, Воронеж, Калуга, Ленинград, Мускав, Чулхула, Пенза, Самар тата Ульяновск облаçĕсенчен. "Раççей симĕс ылтăнĕ" сăра фестивальне республикăри муниципалитет округĕсенчи творчество коллективĕсем те явăçнă. Вĕсем сăра тăвас ĕç йăли-йĕркине кăтартнă. Çак тĕллевпе тематикăпа илемлетнĕ чăвашсен кил-çуртне чĕннĕ.

Патăрьел муниципалитет округĕн администрацийĕн культура, туризм тата информаци тивĕçтерĕвĕн пайĕн начальникĕ Наталия Никитина ертсе пынипе Первомайски территори пайĕн "Çăлкуç" ансамблĕ тата централизациленĕ клуб системин ĕçченĕсем фестивале хутшăнса хăнасене килте тунă сăрапа, юрă-ташăпа кĕтсе илнĕ, наци апачĕпе хăналанă.

Альбина ИВАНОВА