ÇАНТАЛĂК кĕр еннелле сулăнса пынă май хальхи вăхăтра анкартисемпе пахчасенче çеç мар, урамри çул хĕрринче те, организаци-предприяти таврашĕнче те, масар территорийĕнче тата ытти çĕрте те ашкăрса кайнă çум курăка асăрхама пулать. Пытарма кирлĕ мар, хăш-пĕр вырăнта çу каçа та çын алли пырса тĕкĕнменрен хыт хура чăтлăхĕ пулсах кайнă. Тирпейсĕрлĕхпе тасамарлăх вара пурин куçне те тирĕнет. Паян ял ĕçченĕшĕн хĕрỹ вырма пынине пăхмасăрах территори пайĕсенче курăксене çулас, обществăлла вырăнсене тирпейлес, субботниксем ирттерес тĕллевпе çине тăрсах ĕçлемелле.