Патăрьел муниципалитет округĕнчи депутатсен Пухăвĕн черетлĕ ларăвĕ иртрĕ. Унăн ĕçне Патăрьел муниципалитет округĕнчи структура подразделенийĕсен ертỹçисем, территори пайĕсен пуçлăхĕсем хутшăнчĕç. Ларăва Патăрьел муниципалитет округĕнчи депутатсен Пухăвĕн председателĕ Николай Тинюков ертсе пычĕ.

Депутатсем кун йĕркине кĕртнĕ тăватă ыйтăва пăхса тухрĕç: муниципаллă округри депутатсен Пухăвĕн налука йĕркелес тĕлĕшпе палăртнă йышăнăвне улшăнусем кĕртесси, Патăрьел муниципалитет округĕнчи электросеть хуçалăхĕнчи çĕр участокĕсене Чăваш республикинчи патшалăх харпăрлăхне парасси, Патăрьел районĕнчи тата ял тăрăхĕсенчи пурлăха Патăрьел муниципалитет округĕн харпăрлăхне куçарасси тата муниципаллă служащисене ĕç стажĕшĕн паракан пенси пирки.

Кун йĕркине лартнă ыйтусемпе Патăрьел муниципалитет округĕн администрацийĕн çĕр тата пурлăх хутшăнăвĕсен секторĕн заведующийĕ Алевтина Медведева, право тата кадр ыйтăвĕсен пай начальникĕ Наталия Каргина тухса каларĕç.

Пăхса тухнă ыйтусемпе депутатсем тивĕçлĕ йышăнусем турĕç.

 Альбина НИКОЛАЕВА