2023 çулхи августăн 29 - 30-мĕшĕсенче çĕршыври вĕренỹ учрежденийĕсенче пуçласа терроризм хăрушлăхĕнчен асăрханассипе пĕтĕм Раççейĕпе вĕренỹ ирттереççĕ.

Ăна йĕркелекенсем - Раççейри Çут çанталăк тата Чрезвычайлă лару-тăру, Шалти ĕçсен министерствисем тата регионти власть органĕсем. Пĕрлехи вĕренỹ вăхăтĕнче терроризм хăрушлăхĕ пур чухне вĕренỹ организацийĕсен ĕçченĕсем, хурал сотрудникĕсем туса ирттермелли комплекслă ĕçсене сỹтсе яваççĕ.

"Çĕнĕ вĕренỹ çулне хатĕрленесси планпа килĕшỹллĕн пулса пырать. Кунпа пĕрлех вĕренỹ организацийĕсемшĕн пĕлтерĕшлĕ ыйту вăл - вĕренỹпе воспитани ĕçне хăрушлăхсăр тăвасси. Ку тĕлĕшпе август вĕçĕнче пĕтĕм Раççей вĕренĕвĕ пулать, тĕрлĕ лару-тăрура пурнăçлама тивĕç хăрушсăрлăх мероприятийĕсене практикăра тĕрĕслĕпĕр. Педагогсем те, ертỹçĕсем те хăйсен мĕн тумаллине лайăх пĕлсе тăма тивĕç. Пĕтĕм Раççей вĕренĕвĕ кун пек лару-тăрăва мĕнле хатĕр пулни пирки тулли информци илме, кирлĕ хăнăхусене çирĕплетме май парĕ,- тенĕ РФ Çут ĕç министрĕ Сергей Кравцов.

Кун пек мероприятисем ирттерни педагогсен коллективĕсемшĕн тĕрлĕ лару-тăрура йĕркелỹ ĕçĕсене туса ирттерме психологи тĕлĕшпе хатĕр пулассипе те пĕлтерĕшлĕ пулса тăрать. Вĕренỹ ирттернин пĕтĕмлетĕвĕсене муниципалитетсен, регионсен тата федераци шайĕнче тишкерĕç, тивĕçлĕ йышăнусем тăвĕç.

Терроризма кĕрешекенсен пĕр шухăшлăх кунне халалланă мероприятисем Патăрьел муниципалитет округĕнче те иртеççĕ. Çак тĕллевпе храмсемпе мечĕтсенче террактра шар курнисене асăнса кĕлĕсем вулаççĕ, вулавăшсенче "Террора хирĕç пĕрле" темăпа акцисем, тематика каçĕсем, тĕл пулусем йĕркелеççĕ, шкулсенче класс сехечĕсенче терроризм хăрушлăхĕ пирки калаçаççĕ тата ытти те.

Альбина НИКОЛАЕВА