Шкула кайнă чухне кашни ачан çĕнĕ тум тăхăнас килет. Анчах йывăр шăпаллă çемьере çитĕнекенсене вăл тивмессе те пултарать. Çакна тĕпе хурса Патăрьелĕнчи Алевтина Филиппова предприниматель çитĕнекен ăрăва савăнăç кỹме шут тытрĕ. Вăл "Шкула хатĕрленсе" ыр кăмăллăх акципе килĕшỹллĕн 11 арçын ачапа 4 хĕр ачана çĕнĕ рюкзаксемпе тата спорт формисемпе тивĕçтерчĕ. Чыслав мероприятине социаллă тивĕçтерỹ центрĕпе муниципалитет округĕн администрацийĕн çул çитмен ачасен ĕçĕпе вĕсен прависене хỹтĕлекен сектор специалисчĕсем йĕркелерĕç. Парнешĕн тем пекех хĕпĕртерĕç ачасем.

"Аслисем юнашар пулса канаш панă, пулăшу кỹнĕ, кирек хăçан та алă тăсса пама хатĕр чухне темĕнле йывăрлăха та çĕнтерме пулатех. Тавтапуçах вĕсене çакăншăн", - терĕ савăнăçне пайласа нумай ача амăшĕ Надежда Паукина.

 (Хамăр корр.)