Çĕнĕ хыпарпа интересленмен çын çуках та пуль çĕр çинче. Вĕсене ăçтан пĕлме пулать-ха? Паллах, пичетленсе тухакан хаçат-журналтан. Ишлĕ ял библиотекинче çавна май "Пресса сывмарлăхран тата стресран хăтарать" ятпа кĕçĕн çулхисем валли вулав сехечĕ иртнĕ. Ачасем пичет историне тишкернĕ. Библиотека çырăнса илекен "Тетте", "Маленькие академики", "3Ỹ9 царство", "Мамино солнышко" журналсене тишкернĕ. Вĕсен страницисенче юмахри паттăрсемпе тĕл пулнă. Кунтах çитĕнекен ăрăва кроссвордсем, пуçватмăшсем, ребуссем, викторинăсем кăсăклантарнă. Ачасем сăвăсем, калавсем вуланă. Ыттисен ăсталăхĕпе паллашнă. Ỹкерчĕксене сăрланă. Юлашкинчен "Журналпа хаçатсенче мĕн пурри пур çĕр çинче" викторинăна явăçнă.

Кулленхи пичетпе паллашни ачасен тавра курăмне анлăлатать. Вĕсен интересне ỹстерет. Мĕн кирлине тупма пулăшать. Кĕнеке вулас туртăма çуратать. Пичет ĕçĕпе паллашни кун çул уттипе тан пынине палăртать.

Альбина ИВАНОВА