"Пĕтĕм Раççейри шкул летопиçĕ" инновациллĕ вĕрентỹ проекчĕ Раççей Федерацийĕн вĕрентỹ тата наука, стратегилле пуçару агенстви пулăшăвĕпе пурнăçа кĕрсе пырать. Шăнкăртамри пĕрремĕш вăтам шкулта вĕренекенсем те çак проекта хутшăнаççĕ. Виççĕмĕш хут ĕнтĕ вĕсем класпа хăйсен кĕнекине хатĕрлерĕç. Ку хутĕнче ăна "Эпир çĕкленĕ çурт" ятпа пичетлерĕç. Унта 9а класра вĕренекенсем явăçрĕç. Ертỹçисем - вырăс чĕлхипе тата литературипе вĕрентекен, класс ертỹçи Р. Валитовăпа шкул директорĕн воспитани енĕпе ĕçлекен канашçи Г.Субханкуллова.

Мускавра пичетленсе тухнă кĕнеке алăра. Вăл çитĕнекен ăрăва хаваслăх кỹрет.

Çакнашкал ĕç вĕрентỹ процесĕнче питех те кирлĕ. Вăл шкул пурнăçне асра тытма пулăшать. Ачасене тĕрлĕрен интереслĕ фактсем шыраса тупма явăçтарать.

 Альбина ИВАНОВА