Украинăри ятарлă çар операцийĕ пуçланнăранпа çулталăк çурă та иртрĕ ĕнтĕ. Муниципалитет округĕн халăхĕ салтаксене май пур таран пулăшма тăрăшать. Фронтри ентешсене валли укçа-тенкĕ, апат-çимĕç, ытти япала параççĕ. Ялĕ-ялĕпе пуçтарăнса е уйрăмшарăн кирлĕ хатĕрсене автомашинăсемпе ăсатаççĕ, тимĕр кăмакасем ăсталаççĕ тата ытти те.

Çар операцине хутшăнакансен çемйисене те вырăнта тимлĕхре тытма тăрăшаççĕ. Вĕсене кирлĕ консультацисем параççĕ. Ачисем садике тỹлевсĕр çỹреççĕ, шкулта апатланнăшăн та тỹлевпе татăлмалла мар. Хăш-пĕрисене стипенди те тивĕçет.

 Ку хутĕнче 14 ачашăн каллех савăнăç çитрĕ. Патăрьелĕнчи "Измир" суту-илỹ çурчĕн хуçи - Гулнорахун Мирзабекова - çитĕнекен ăрăва канцеляри таварĕсем пачĕ.

Альбина ИВАНОВА