Шăхач ял библиотекинче Украинăри ятарлă çар операцине хутшăнакан Раççей çарĕсен гварди капитанĕпе, Рязанти В. Маргелов арми генералĕ ячĕллĕ аслă сывлăш десант команда училищин выпускникĕпе тăванĕсен, çывăх çыннисене курма килнĕ Максим Максимовпа тĕл пулу иртнĕ. Унта Шăхач территори пайĕн начальникĕ Лилия Кутузова, çамрăксем, вĕренекенсем, ялта тата Кĕçĕн Чеменре пурăнакансем хутшăннă.

Паянхи кун информацие тĕрлĕ çăлкуçран илме пулать. Çав шутра Украинăри ятарлă çар операцийĕпирки те. Анчах унта хутшăнакансен чĕрĕ калаçăвĕвара пурне те кăсăклантаратех.

Светлана Убаськина библиотекарь малтанах Максим пурнăçĕпе паллаштарнă. Унтан гварди капитанĕ çар пурнăçĕ мĕнле иртни çинче чарăнса тăнă. Юлташĕсем пирки каласа панă. Йывăр пулсан та çĕршыв хỹтĕлевçисем паттăрлăх кăтартаççĕ. Унти халăха ирĕке кăлараççĕ.

Территори пайĕн начальникĕ Лилия Кутузова Максима çăмăл мар вăхăтра ăнăçу суннă, çĕнтерỹпе киле таврăнма сĕннĕ.

Çакнашкал тĕл пулусем çитĕнекен ăрăва патриотла воспитани пама пулăшаççех. Хамăр çĕршывпа мăнаçланмалăх пур пирĕн. Чăн-чăн паттăрсем пирĕн- пе юнашар пурăнаççĕ.

Альбина ИВАНОВА