Шкул ачисем, яш-кĕрĕм хушшинче ирĕклĕ майпа кĕрешессине сарас тата аталантарас, сывă пурнăç йĕркине пропагандăлас, çамрăксенче Тăван çĕршыва юратас туйăмсене ытларах вăратас тĕллевпе Тикешре ирĕклĕ майпа кĕрешессипе Раççей категоринчи судья, Раççей спорт мастерĕ, Тикешре çуралса ỹснĕ Сергей Семенов 55 çул тултарнă май унăн парнисене çĕнсе илессишĕн ирĕклĕ майпа кĕрешессипе V уçă турнир иртнĕ.

Ăмăртăва хутшăнакансене Патăрьел муниципалитет округĕн пуçлăхĕ Рудольф Селиванов, Сергей Семенов, Патăрьел ентешлĕхĕн председателĕ Александр Миронов, спорт ветеранĕсем тата ытти сумлă хăнасем саламланă.

 Хăйсен вăйне тата пултарулăхне 2006-2015 çулсенче çуралнă яшсемпе 2007-2012 çулсенче кун çути курнă хĕрсем кăтартнă.

Чăваш Енрен тата Ульяновск облаçĕнчен килнĕ 80 ытла çамрăк спортсмен ăмăртăва хутшăннă. Çĕнтерỹçĕсене сумлă парнесемпе чысланă.

 (Хамăр корр.)