ПАТĂРЬЕЛ муниципалитет округĕнчи ЗАГС пайĕнчен пĕлтернĕ тăрăх кăçалхи сакăр уйăхри кăтартупа çуралакансем ỹснĕ, вилекенсен шучĕ вара чакнă. Сентябрĕн1-мĕшĕ тĕлне Юхмапа Пăла тăрăхĕнче 145 "çĕнĕ кайăк" хутшăннă. Иртнĕ çулхи çак вăхăтринчен пилĕк пепке ытларах çуралнă. Пĕлтĕрхи çак вăхăтрипе танлаштарсан виçĕ çын сахалтарах вилнĕ, 317 çынпа ĕмĕрлĕх сыв пуллашнă. Арçынсен вăтам ĕмĕрĕ 66, хĕрарăмсен - 78 çул.

Çак тапхăртах 80 мăшăра (пилĕк акт сахалтарах) çемье çавăрнă ятпа саламланă. Анчах та 66 çемье (23 акт ытларах) уйрăлса кайни вара пăшăрхантарать.