Геннадий Айхи ячĕллĕ Çĕньялти пĕтĕмĕшле пĕлỹ паракан тĕп шкулта "Патриот" çарпа патриотизм клубĕ уçăлчĕ. Унăн ертỹçи - педагогика ĕçĕн ветеранĕ, Чăваш Республикин тава тивĕçлĕ вĕрентекенĕ, десантниксен ялти ушкăнĕн председателĕ Владимир Антонов.

Çак кунсенче вĕренекенсем "Кирли пирки калаçу" класс сехетĕнче "Патриот" клуб членĕсемпе - Владимир Антоновпа, Чăваш Республикин тава тивĕçлĕ экономисчĕпе, хисеплĕ тавра пĕлỹçĕпе Валерий Салминпа, Чăваш Республикин тава тивĕçлĕ вĕрентекенĕпе Эвелина Карягинăпа, Чăваш Республикин тава тивĕçлĕ экономисчĕпе Тальгат Шакуровпа - тĕл пулчĕç. Хăнасем хăйсемпе кĕскен паллаштарчĕç, ачалăхне аса илчĕç, клубăн ятне çỹлти шая çĕклеме, çĕршыва сыхлама хатĕр пулса çитĕнме, çĕнĕ вĕренỹ çулĕнче ăнăçу сунчĕç.

Инна ВАЗЮКОВА, шкул директорĕн воспитани енĕпе ĕçлекен çумĕ