Çак кунсенче Патăрьел муниципалитет округĕн пуçлăхĕ Рудольф Селиванов Чăваш Республикин театрпа концерт учрежденийĕсен çĕнĕ пултарулăх сезонне уçнă çĕре хутшăннă. Вăл Чăваш патшалăх оперăпа балет театрĕнче иртнĕ. Сумлă мероприятие Чăваш Ен Пуçлăхĕ Олег Николаев уçнă.

Çĕнĕ пултарулăх сезонĕ презентаци форматĕнче пĕрремĕш хут иртнĕ, унта хутшăннисене çĕнĕ сезонра курма пултаракан постановкăсен сыпăкĕсене кăтартнă.

Мероприятинче Патăрьел муниципалитет округĕн пуçлăхĕ Рудольф Селиванов Чăваш Республикин вĕрентỹ министрĕпе Дмитрий Захаровпа тата культура министрĕпе Светлана Каликовăпа тĕл пулнă, Пикшикри вăтам шкулпа ял клубĕн территорийĕнче спорт лапамĕ тăвас ыйтăва сỹтсе явнă. Çавăн пекех муниципалитет округĕн ертỹçи Патăрьелĕнчи "Çăкăр" этнографи музейне юсаса çĕнетес ыйтупа Чăваш наци музейĕн директорĕпе Ирина Меньшиковăпа тата Чăваш художество музейĕн директорĕпе Геннадий Козловпа (ỹкерчĕкре)та калаçнă.

 (Хамăр корр.).