Çак ĕçе çуркунне те пурнăçлаççĕ. Анчах кĕркунне шуратса хăварнин тухăçлăхĕ пысăкрах. Çапла майпа йывăçсене февраль тата март уйăхĕсенчи хĕвелтен хỹтĕлеме, температура вылянса тăнă вăхăтра йывăç хуппи çурăласран сыхлама, сиенлĕ кăпшанкăпа чир-чĕре пĕтерме пулăшать.

Йывăçа октябрь-ноябрь уйăхĕсенче типĕ çанталăкра шуратмалла. Извеçпе, шыв-эмульси тата шыв-дисперси сăррисемпе усă курма юрать. Сăрă йывăç вуллисемпе тунисене сывлама ан чăрмантартăр тата çумăрпа юхса ан антăр тесен тăм, сĕт, хуçалăх супăнĕ, ПВА тата казеин çилĕмĕ хушмалла.