ПАТĂРЬЕЛĔНЧИ тĕп больницăри врач-нарколог Надежда Надина çак сăмахсене кашни çын илтмелле калать. Мĕншĕн тесен çулсеренех Юхмапа Пăла тăрăхĕнче те вуншар çыннăн пурнăçĕ эрех-сăрапа виçесĕр нумай усă курнипе татăлать. Çак тĕллевпе иртнĕ эрнере, сентябрĕн 11-17-мĕшĕсенче муниципалитет округĕнчи тĕп сиплев учрежденийĕ акци ирттернĕ. Тухтăрсем алкоголь сывлăхшăн сиенлĕ пулнине, вăл пĕвере, чĕрене хавшатнине, эрех-сăра серепине çакланнисем рак чирĕпе нушаланма пултарнине ăнлантарнă. Ун вырăнне сывă пурнăç йĕркине пăхăнни, тĕрлĕрен хускану туни, ырă кăмăл-шухăшпа хавхаланни ĕмĕре вăрăмлатма пулăшĕ.