Сентябрĕн 15-мĕшĕнче Патăрьелĕнчи культурăпа кану центрĕнче пултарулăх сезонĕ "Пултарулăх бульварĕ" ятпа уçăлчĕ. Фойере хальхи тата унчченхи кĕвĕ инструменчĕсен куравне йĕркеленĕ. "Юмах" ача садне çỹрекенсем вара хаваслă чăваш юррипе кĕтсе илчĕç.

Уяв мероприятине Патăрьел муниципалитет округĕн централизациленĕ клуб системин директорĕ Наталия Алексеева уçрĕ. Патăрьел муниципалитет округĕн пуçлăхĕн пĕрремĕш çумĕ - хăтлăх кĕртессипе территорисен аталанăвĕн управленийĕн начальникĕ Анисия Воробьева юрă-ташă ăстисене çĕнĕ сезонра çитĕнỹсем, интереслĕ проектсем, куракансен юратăвне тата тулли зал сунчĕ. Ĕçре, конкурссенче палăрнисене грамотăсемпе (ỹкерчĕк- ре) хавхалантарчĕ.

Куракансем 19 территори уйрăмĕнчен килнĕ культура ĕçченĕсен пултарулăхне курса савăнчĕç. Сцена çинче чăваш, вырăс, тутар, ирçе юррисене шăрантарчĕç, ташăсем кашнин кăмăлне кайрĕç. "Юмах" ача садне çỹрекенсен ăсталăхĕ те пурне те тыткăнларĕ.

Ольга ПАВЛОВА