Ĕç шавĕ сахăр кăшманĕн уйне те куçрĕ. Чи малтан "Исток" çĕр ĕç фирми тымар çимĕçе кăларма пуçларĕ. Кунта вăл 300 гектар йышăнать. Мария Лаврентьева фермер хуçалăхĕнче унăн лаптăкĕ - 190 гектар. Культурăна пухса кĕртме пуçăннă. Тухăç пĕр гектартан 410 центнерпа танлашать. Икĕ хуçалăхра та сахăр кăшманне комбайнпа кăлараççĕ.

Çĕр улми 545 гектар кăларнă. Вăтамран пĕр гектартан 220 центнер тухать.

Пахча çимĕç анин 80 гектар пушаннă, вăтам тухăç - 193 центнер.

Куккурус 720 гектар вырнă.

Выльăх апачĕ хатĕрлесси муниципалитет округĕнче малалла пырать. Ял хуçалăх предприятийĕсенче хальхи вăхăтра силос хывассипе тăрăшаççĕ. Паха апата 17880 тонна янтăланă.