ÇАНТАЛĂК типĕ те уяр тăнипе усă курса юлашки вăхăтра ял хуçалăх предприятийĕсенчи, фермер хуçалăхĕсенчи, çавăн пекех уйрăм хушма хуçалăхсенчи анасем пушанса пычĕç. Çавна май чылайăшĕ усă курнă çĕре кĕркунне сухаласа, тирпейлесе хăварма тăрăшать. Çакна та палăртса хăварасшăн. Çак ырă ĕç сывлăша варалассипе ан çыхăнтăр, çынсен сывлăхне сиен ан кỹтĕр е пушар хăрушлăхне кăларса ан тăраттăр тесен çĕр улми, ытти пахча çимĕç каяшĕсене, тыр-пул хăмăлне çунтарма юрамасть! Кун пирки Патăрьелĕнчи пушар надзорĕ те çирĕп асăрхаттарать. Тавралăха сăтăр тăвакансене вара административлă майпа айăплаççĕ.