Сентябрь вĕçĕнче хĕллехи ыхрана лартса хăварма юрать.

Ыхрана шăлсем çине пайламалла, марганцовка ирĕлчĕкĕнче (1 литр шыв пуçне 5 грамм) 10 минут тытмалла, унтан шывра чỹхемелле.

Касăсене 15-20 сантиметр тарăнăш тумалла, унтан çĕрĕк тăпри е компостпа тăпра хутăшне хумалла. Шыв сапнă хыççăн ыхра шăлĕсене 5 сантиметр тарăнăшне лартмалла, кашнин хушши 15 сантиметр, ретсем пĕри тепринчен 25-30 сантиметрта пулмалла.

 Ыхран вăррисене (папкаран вĕтетсе хатĕрленисене) 3 сантиметр тарăнăшне, пĕр-пĕринчен 2-3 сантиметртан, ретсен хушшине 15 сантиметр хăварса акмалла. Касăсене çиелтен 3-5 сантиметр хулăнăш çĕрĕк тăприпе, торфпа хуплама юрать.