ÇАК кунсенче РФ ШĔМĕн муниципалитетсем хушшинчи "Батыревский" уйрăмĕ çумĕнчи Общество канашĕн председателĕ Светлана Ляллина пуçарнипе тата йĕркеленипе Украинăри ятарлă çар операцине хутшăнакан ентеш-салтаксене çар пурнăçĕнче кирлĕ хатĕрсемпе тивĕçтерес тĕллевпе "Сахарок" магазинта (Патăрьел ялĕ, Туслăх урамĕ, 5) "Ыр кăмăллăх карçинкки" акци старт илчĕ.

Магазина килекенсем унта салтаксем валли нумай вăхăт упранма пултаракан таварсене - носки, перчетке, шампунь, супăнь, антисептик, салфеткăсем тата ытти те - туянса хăвараççĕ. Акцие çăмăл алăпа кунта тăрăшакан сутуçăсем пуçланă. "Ыр кăмăллăх карçинкки" кунсерен пуянланса, тулса пырать. Светлана Владимировна хаçат редакцине пĕлтернĕ тăрăх, çывăх вăхăтра вĕсене волонтерсенчен ятарлă çар операцине парса ярĕç. Эпир май пур таран кар тăрса салтаксемшĕн ырă туни пурне те ырăпах таврăнĕ.