НУМАЙ пулмасть çеç Юхмапа Пăла тăрăхĕнче пурăнакан 47 çулхи хĕрарăм тăван аппăшĕн хĕрĕ унтан вăхăтлăха 48 пин тенкĕ укçа кивçен ыйтнă смс-ка илнĕ. Вăл ăна укçа мĕн сăлтавпа кирлине те, кивçене çийĕнчех парса татма шантарнине те çырнă. Хĕрарăм çакна ĕненнĕ, унпа телефонпа калаçса та тăман, çийĕнчех ыйтакан суммăна куçарса панă... Çакăн хыççăн банк менеджерĕ ултава туйса илсе укçа "ыйтакан" тăванĕ патне шăнкăравланă, унăн аккаунтне темĕнле конкурса хутшăнаканшăн сасăлама сĕнекен кĕрсе "çĕмĕрни" пирки систернĕ.

Юлашки вăхăтра республикăра та, муниципалитет округĕнче те çакнашкал тĕслĕхсем йышланнă. Мошенниксем профиль патне тухма ирĕк тунă хыççăн телефон номерне "çĕмĕрнĕ" юлташран улталаса укçа ыйтаççĕ. Çак тĕслĕхре те çаплах пулнă. Кун пек пăтăрмахран пурин те асăрханмалла, пĕлмен е палламан çынпа калаçмалла мар.