ÇАК кунсенче ял-хулана симĕслетмелли тата хăтлăлатмалли смотр-конкурсăн республика шайĕнчи кăтартăвĕсене пĕтĕмлетнĕ, çĕнтерỹçĕсене палăртнă. Тирпей-илемпе çыхăннă конкурса вунă муниципалитет округĕнчен 34 заявка тăратнă. Çĕнтерỹçĕсене пилĕк номинаципе хакланă, чи-чи кăтартуллă 15 ĕçе суйласа илнĕ, вĕсене пурне те укçан хавхалантарĕç.

Асăннă смотр-конкурса хутшăнса Патăрьелĕнчи Крепков урамĕнчи 123-мĕш çуртра пурăнакан Селендеевсен сад участокĕпе Тури Туçари Çамрăксен урамĕ çĕнтерỹçĕсен йышне кĕнĕ. Сăмах май каласан, кăçал вĕсем муниципалитет округĕнче йĕркеленĕ конкурсра çĕнтернĕччĕ. Маларахри çулсенче Юхмапа Пăла тăрăхĕнчи Кĕçĕн Патăрьелĕнчи Рубцовсен хушма хуçалăхĕнчи сад-пахчи, Аслă Чементи Ф. Туптов, Пăлапуç Пашьелĕнчи Ленин урамĕ республикăра чи-чи кăтартулли пулнăччĕ