КАШНИ çыннăн тĕп ĕçпе юнашар чун валли тупнă киленĕç пулни пысăк хавхалану, сиплĕ эмел темелле. Патăрьел муниципалитет округĕнчи депутатсен Пухăвĕн депутачĕсем Петр Ялуковпа Сергей Моисеев пулăçсем Юхмапа Пăла тăрăхĕнче йĕркелекен ăмăртусене çеç мар, ытти облаçсенче иртекен тупăшусене те çулсеренех хастар хутшăнаççĕ, малти вырăнсене йышăнаççĕ. Акă, сентябрĕн 28-мĕшĕнчен пуçласа октябрĕн 1-мĕшĕччен Липецк облаçĕнчи Белгород хулинче иккĕн пĕрле карп тытакансен чемпионачĕ иртнĕ. Патăрьелсен чысне хỹтĕленĕ "БатырКарп" команда хастарĕсем пĕрлехи вăйпа 152 килограмм карп тытса иккĕмĕш вырăн йышăннă.