9-11 классенче вĕренекенсем хушшинче чăваш чĕлхипе сочинени çырса муниципалитет округĕн шайĕнче конкурс иртнĕ. Çитĕнекен ăрăва виçĕ тема сĕннĕ: "Эпĕ вĕрентекен пулас пулсан...", "Телейлĕ ачалăх - телейлĕ çĕршыв", "Тăван çĕршыв хỹтĕлевçи - мухтавлă професси".

Конкурса ачасен тăван чĕлхене вĕренес интересне ỹстерессине, ĕçе хăй тĕллĕн илемлĕх мелĕсемпе усă курса хатĕрлессине тĕпе хурса йĕркеленĕ.

"Эпĕ вĕрентекен пулас пулсан..." темăна Кивĕ Ахпỹртри пĕтĕмĕшле пĕлỹ паракан тĕп шкулти А. Каргинăпа (ертỹçи М.Табакова) Пăлапуç Пашьелĕнчи вăтам шкулти Т. Казакова (С.Никитина) туллин уçса парса мала тухнă.

 "Телейлĕ ачалăх - телейлĕ çĕршыв" темăна суйласа илнисенчен Патăрьелĕнчи пĕрремĕш вăтам шкулти Ю. Путяковăпа (Н. Путякова) Ыхра Çырминчи вăтам шкулти А. Краснова (С. Кулакова) çĕнтерỹçĕсем пулнă.

"Тăван çĕршыв хỹтĕлевçи - мухтавлă професси" темăна Патăрьелĕнчи пĕрремĕш вăтам шкулти С. Муллина (О. Каллина), Туçари вăтам шкулти А. Щербакова (Н. Осипова) килĕштерсе анлăн çутатнăран пĕрремĕш вырăна тухнă.

Çĕнтерỹçĕсен ĕçĕсем республика конкурсне хутшăнаççĕ.

Альбина ИВАНОВА