ЮЛАШКИ вăхăтра МИХра аслисем çеç мар, кĕçĕн çулхи ачасем те Интернет серепине çакланса ашшĕ- амăшне хур кăтартнине çыраççĕ. Çавăнпа та ыттисен йăнăшне сирĕн ачасем ан туччăр тесен вĕсене чăн малтанах компьютерпа тĕрлĕрен астармăш вăйă выляма ирĕк памалла мар. Акă, çак кунсенче çеç тĕп хуламăрта тăхăр çулхи арçын ача компьютерпа вăйă вылянă та счет çине хушма "фишка" хушас тесе амăшĕн банк картти çинчен 65 пин тенкине мошенниксене куçарса панă. Тепĕр ача вара вăйăра бонус илес тĕллевпе палламан çынна амăшĕн карттин реквизичĕсене пĕлтернĕ. Лешсене çакă çеç кирлĕ пулнă, вĕсем туххăмрах унти 30 пин тенкĕ ытла укçана касса илнĕ