Заинск хулин "Яшьлек" спорт керменĕнче Р. Фардиева асра тытса кĕрешес енĕпе Раççей шайĕнчи ăмăрту иртнĕ. Унта пирĕн муниципалитет округĕнчи "Паттăр" спорт шкул кĕрешỹçисем те хутшăннă. Эльфис Мтиев тренер ертсе пынипе çамрăксем хăйсен виçе категорийĕсенче призлă вырăнсене йышăннă. Булат Тумаков 80 килогрампа пĕрремĕшне, Ильшат Купкенов (50), Вильдан Юнусов (55), Сабир Асеинов 60 килогрампа (пурте Шăнкăртамран) иккĕмĕш вырăнсене тухнă.

Спорт шкулĕн "Корэш" уйрăмне çỹрекенсем ăнăçлă кĕрешнĕ, спорт мастерĕн кандидачĕн нормативне пурнăçланă.

 Альбина ИВАНОВА