Оренбург хулинче хăвăрт чупассипе Раççейре мала тухассишĕн чемпионат иртнĕ. Унта Чăваш Республикин чысне Патăрьел муниципалитет округĕн çамрăкĕсем те хỹтĕленĕ.

Олимп резервĕсен училищинче иккĕмĕш курсра вĕренекен Сител ялĕнчи Николай Соколовпа (18 çулхисем хушшинче) Первомайски вăтам шкулĕнчи Кристина Иванова (16 çулхисем) спортри ăсталăхĕпе палăрнă. Николай 3 çухрăмлă дистанцире пăхăр медаль çĕнсе илнĕ. Унăн пĕрремĕш тренерĕ, çак çула суйласа илме пулăшаканĕ Михаил Прокопьев.

Кристина çак дистанцирех çиччĕмĕш пулнă.

Тăваттăн пĕрер çухрăм эстафетăра чупса Чăваш Республикин команди пĕрремĕш вырăна тухнă. Çакăнта Николай Соколовăн тỹпи те пысăк..