Патăрьел муниципалитечĕн мăшăрлану керменĕнче Атте кунĕ умĕн сумлă мероприяти иртрĕ. Раççей Федерацийĕн тепĕр гражданинĕ çуралнă ятпа Тутар Сăкăт ялĕнчи Илдар Козлова ывăлĕн пĕрремĕш документне - свидетельствине пачĕç.

Ăна илме Илдар Алиаскерович Карим тата Камиль ывăлĕсемпе (ỹкерчĕкре) килнĕ. Çемьене харăсах виçĕ уяв çитнĕ. Алихан Вĕрентекен (ашшĕ учитель) тата амăшĕн çуралнă кунĕнче çут тĕнчене килнĕ. Телейлĕ ашшĕне тата муниципалитет округĕнчи çитĕнекен ăрăва воспитани парса ỹстерекен мĕн пур арçынна РФ ШĔМĕн муниципалитсем хушшинчи "Батыревский" уйрăмĕн начальникĕн çумĕ, Ашшĕсен канашĕн председателĕ Николай Андреев уяв ячĕпе саламларĕ. Пурне те ачисемшĕн тĕслĕхлĕ пулма сĕнчĕ.

Мероприятин тепĕр пайĕ 14 çул тултарнă çамрăксене сумлă лару-тăрура Раççей Федераци- йĕн гражданинĕн паспортне парасси пулчĕ. Вăл Раççей Гимнне юрланинчен пуçланчĕ.

Паспорт çыннăн прависене те анлăлатать, тивĕçĕсене те ỹстерет. Çав ятпа каччăсемпе хĕрсене РФ ШĔМĕн муниципалитсем хушшинчи "Батыревский" уйрăмĕн миграци ыйтăвĕсемпе ĕçлекен пай начальникĕ Татьяна Казеева, округри Ашшĕсен канашĕн председателĕ Николай Андреев, нумай функциллĕ центр эксперчĕ Ольга Починкина саламларĕç. Татьяна Александровна документпа мĕнле усă курмаллине, ăна упрамаллине ăнлантарчĕ. Мероприятие ачасен ашшĕ- амăшĕ те хутшăнчĕ. Вĕсем ывăл-хĕрне çĕршывăн хисеп- лĕ гражданинĕ пулма, Тăван çĕршыва юратма сунчĕç.

Альбина ИВАНОВА.