РЕСПУБЛИКĂРИ МИХсенче Чăваш наци музейĕпе Чăваш Енри хĕрарăмсен канашĕ "Пурăн, чăваш тĕрри" конкурс пуçарни пирки пĕлтерчĕç. Унта алă ĕçĕн ăстисем, художниксем, дизайнерсем хутшăнса ача-пăча валли тум хатĕрлеме чăваш тĕррине сĕнеççĕ. Пултарулăх тупăшăвĕ кунсерен хĕрсе пыни сисĕнет. Хальлĕхе конкурса уйрăм çынсемсĕр пуçне тĕрлĕ муниципалитет округĕнчи ача сачĕсем те, шкулсем те хутшăнма кăмăл тунине пĕлтернĕ. Юхмапа Пăла тăрăхĕнчи тĕрĕ-çĕвĕ, сăрă ăстисем, дизайнерсем хамăр тăрăхри эрешсене жюрине çитерессе шанас килет. Ун пек ăстасемпе Патăрьелсем пуян. Ĕçсене ноябрĕн 15-мĕшĕччен йышăнаççĕ.