Сывă пурнăç йĕрки уйăхлăхпа килĕшỹллĕн Патăрьелĕнчи пĕрремĕш вăтам шкулти 6 класра вĕренекенсен ашшĕ-амăшĕпе "Сывлăхлă пул" темăпа пуху иртрĕ.

 Çитĕнекен ăрăва сывлăхлă пулни питех те паха. Аслисем каланине яланах итлеме тăрăшмалла. Вĕрентекенсемпе, ашшĕ-амăшĕпе, ачасемпе пĕр тĕвĕре ĕçлени çитĕнỹ тума пулăшатех. Акă компьютер вăййисем нумай вăхăта илеççĕ. Вĕсене пула чирлекенсем те пур. 20-25 минут ларнă хыççăн куçа кантармаллах.

Пухăва истори тата обществознани вĕрентекен Надежда Кошкинăна та чĕнчĕç. Надежда Александровна килти ĕçе компьютерпа мĕнле пурнăçламалли çинче чарăнса тăчĕ.

Юлашкинчен "Сывлăхлă ỹт-пỹ - сывлăхлă ăс-тăн" видеоролик пăхрĕç.

Ольга КАЛЛИНА, класс ертỹçи