Ял хуçалăх производствин ертỹçи, Чăваш Республикин ял хуçалăхăн тава тивĕçлĕ ĕçченĕ Николай Петрович Михайлов 65 çул каялла (25.10.1958) Нăрваш Шăхалĕнче çуралнă.

Николай Михайлов Вăрнарти совхоз-техникумра, Чăваш патшалăх ял хуçалăх академийĕнче вĕреннĕ. Ĕç биографине 1976 çулта колхозникран пикеннĕ. Каярахпа тракторист-комбайнер, "Труд" хуçалăхăн иккĕмĕш бригадин бригадирĕ пулнă. 1987 çулхи июль уйăхĕнчен пуçласа "Труд" колхоз председателĕ, 1997 çултан "Труд" ял хуçалăх производство кооперативĕн председателĕ пулса тăрăшнă. 2002-2006 çулсенче Чăваш Республикин Патшалăх Канашĕн депутачĕ пулнă.

 Ĕçри çитĕнỹсемшĕн ентешĕмĕре "Чăваш Республики умĕнчи тава тивĕçлĕ ĕçсемшĕн" орден медалĕпе, Чăваш Республикин Патшалăх Канашĕн Хисеп грамотипе наградăланă.

("Çулталăк кĕнекинчен")