Октябрĕн 28-мĕшĕ - Сăр тата Хусан хỹтĕлев чиккисене тунисене асăнмалли кун. Шăматкун Куславкка округĕнчи Куснар ялĕ çывăхĕнчи мемориал умĕнче митинг-реквием иртнĕ, çавăн пекех Сăр тата Хусан хỹтĕлев чиккисене тунисене сума суса музей уçнă. Унта Патăрьел муниципалитет округĕн пуçлăхĕ Рудольф Селиванов ертсе пыракан делегаци те хутшăннă.

Музей темиçе пайран тăрать. Экспозици урамранах пуçланать, çутă диочĕсемлĕ экранпа хỹтĕлев чиккисене тунă самантсене кăтартаççĕ. Чăваш наци музейĕнче упраннă çав вăхăтри предметсене, республикăри археологи шырав экспедицийĕсем вăхăтĕнче тупнă çынсем хăйсем тунă япаласене курма май пур. Информаципе тĕплĕнрех паллаштарма мультимедийлă хатĕрсемпе, информаци сĕтелĕпе, лазер проекторĕсемпе, акустика системипе те усă кураççĕ.

(Хамăр корр.)