УКРАИНĂРИ ятарлă çар операцине хутшăнакан ентеш-салтаксене çар пурнăçĕнче пулăшма ырă ĕç тăвакансен йышĕ хушăнсах пырать. Юлашки кунсенче Кĕçĕн Патăрьелсем Альбина Рубцова хастар, Ольга Марковăпа Марина Жукова культура ĕçченĕсем ертсе пынипе ял клубĕнче кашни кунах хỹтĕлев сетки çыхаççĕ. Ырă та пархатарлă ĕçе кар тăракансен умĕнче пуçа çеç таймалла. Ялтан 50-60 çын пуçтарăнать. Вăл шутра арçынсем те пур. Акă, Олег Рубцов пĕр кун сиктерми хĕрарамсемпе пĕрлех ĕçлет. Çак кунсенче çеç вĕсем тĕрлĕ размерпа виçĕ хỹтлĕх хатĕрленĕ. Шăхач, Аслă Чемен, Турхан ял тăрăхĕсенче те çак ĕçе начар мар йĕркелесе пыраççĕ.