ПАТĂРЬЕЛ муниципалитет округĕнчи халăха социаллă хỹтлĕхпе тивĕçтерекен центрăн çемьене тата ачасене пулăшу паракан пай заведующийĕ Ирина Чиркина хаçат редакцине пĕлтернĕ тăрăх, акцие уйрăм çынсем те, коллективсем те хутшăнаççĕ. Акă, Татмăшри Валентина Филиппова, Çĕнĕ Ахпỹртри Татьяна Чумерина, Патăрьелĕнчи Рузиля Хисаметдинова тата ыттисем те салтаксем валли темиçешер мăшăр алса-чăлха çыхса панă. Çак кунсенче çеç Анат Туçари Валентина Перепелкина пенсионерка салтаксене гуманитари пулăшăвĕпе çитерме 12 мăшăр çăм чăлха çыхса парне тунă. Акци пуçланнăранпа ылтăн алăллă хĕрарăм центра 48 носки илсе килнĕ! Ырă та сăваплă ĕçе хастар кăмăлтан пурнăçлать, салтаксене частарах çĕнтерỹпе таврăнма сунать.

 Ятарлă çар операцие хутшăнакан салтаксем шăнса ан пăсăлччăр, вăй-хăватне ан чакарччăр тесе Çĕнĕ Ахпỹртри Александр Казаков 32 килограмм пыл, Патăрьелĕнчи Николай Тямин 40 килограмм ыхра парса янă. Хальхи вăхăтра акци малалла та пырать. Ырă кăмăллăхпа сĕнекен япаласене Патăрьелĕнчи "Бизнес-инкубатор" çуртĕнчи 110 пỹлĕмре йышăнаççĕ.