Шăнкăртамри "Тамчы" ансамбль Хусанта иртнĕ регионсем хушшинчи Сара Садыкова ячĕллĕ XII "Калфаклы сандугач-2023" уçă фестиваль конкурсра пултарулăхне кăтартнă. Унта çĕршыв тулашĕнчен тата тĕрлĕ регионтан 100 ытла конкурсант явăçнă.

 Ансамбль Гран-прие тивĕçнĕ. Коллектива ятарлă кубок, тĕнчери тутар конгресĕн Тав çырăвне тата преми парса хавхалантарнă. Ушкăна Альбина Абитова ертсе пырать. Ачасем хăйсен ăсталăхне Патăрьелĕнчи ăсталăх шкулĕн Шăнкăртамри филиалне çỹресе ỹс- тереççĕ.

- Çитĕнỹ чăннипех савăнтарать. Ачасем музыка инструменчĕпе выляма хăнăхасси кунта ăруран ăрăва куçса пырать. Пиччĕшĕсемпе аппăшĕсем вырăнне шăллĕсемпе йăмăкĕсем юлаççĕ. Альбина Абитова ертỹçĕ ăсталăхне те палăртмалла. Ачасен пултарулăхне аталантарма пултарать вăл,- тет ăсталăх шкулĕн ертỹçи Алина Антонова.

"Вокал-соло" номинацире вара З.Султеева пĕрремĕш, А. Тазетдиновапа А.Закирова виççĕмĕш вырăнсене йышăннă. Д. Фахрутдинова, З. Халитова дипломсемпе парнесене тивĕçнĕ.

Альбина ИВАНОВА