Украинăри ятарлă çар операцине тулли мар мобилизаци йĕркипе кайнă ывăлĕсен ашшĕ-амăшне тимлĕх уйăрассине самантлăха та манмаççĕ муниципалитет округĕнче. Хĕле кĕрес умĕн çеç пĕр территори пайĕнчи амăшне вутăпа тивĕçтернĕ. Патăрьелĕнчи халăха ĕçпе тивĕçтерекен центр урлă 5 çынна ĕçе вырнаçма пулăшнă. "Нива" вĕрентỹ комбинатĕнче занятисене çỹресе теприн ашшĕ тракторист удостоверенине илнĕ.

Çемьесенчи 4 çынна психологи тĕлĕшĕнчен консультаци панă. Специалист Шупашкартанах килсе çỹрет. Социаллă адаптаци енĕпе 3 çын информаци илнĕ. Пĕрин амăшне сывлăхне çирĕплетме Патăрьелĕнчи "Çăлкуç" профилакторине çỹреме сĕннĕ.

Ирина КОШКИНА