Патăрьел округĕнче муниципалитет шайĕнчи автомобиль çулĕсем 130 ытла çухрăм йышăнаççĕ. Хĕлле юр çунă чухне е пăрлансан вĕсене вăхăтра тасатса тата хăйăрпа тăвар хутăшне сапса тăмалла. Ку ĕçпе Юхмапа Пăла тăрăхĕнче виçĕ организаци тăрăшать. Инна Рубцова индивидуаллă предприниматель - 60,12 çухрăма, Лилия Манзуркина - 65,372, Решид Санзяпов фермер хуçалăхĕ 4,610 çухрăма пăхса тăраççĕ.

Çул-йĕре тасатма 23 единица техника хутшăнать. Сăмах май, вĕсем ĕçе тухма юрăхлине тĕрĕсленĕ (ỹкерчĕкре). Хăйăрпа тăвар хутăшне 1100 тонна (кирлинчен 92 процент) хатĕрленĕ. Организацисем хуть хăш вăхăтра та транспорт çула тухма пултартăр тесе талăкĕпех дежурство йĕркелеççĕ.

Ольга БЕЛЬДЕКОВА