Паян, ноябрĕн 10-мĕшĕнче, шалти ĕçсен органĕсен хисеплĕ сотрудникĕсемпе ветеранĕсем хăйсен професси уявне паллă тăваççĕ.

 Патăрьел муниципалитет округĕнчи полици струдникĕсем пысăк та яваплă тивĕçе пурнăçлаççĕ - лăпкăлăхпа тăнăçлăха, йĕркелĕхе сыхлаççĕ. Вĕсен хăйсен служба ĕçĕпе час-часах çăмăл мар лару-тăрура та пулма тивет. Çапах та йĕрке хуралĕн сотрудникĕсем кашниех хăйсен тивĕçне тỹрĕ чунпа пурнăçлама тăрăшаççĕ.

2022 çулхи октябрĕн 10-мĕшĕнчен РФ ШĔМĕн муниципалитетсем хушшинчи "Батыревский" уйрăма (Шăмăршă муниципалитет округĕ те кĕрет) полици подполковникĕ Андрей Ларьков ертсе пырать. Коллективра Патăрьел округĕпе 107 çын, вĕсенчен пакунлисем 93-ĕн тăрăшаççĕ. Сăн ỹкерчĕкре шăпах вĕсен пĕр ушкăнне куратăр.

 Полици сотрудникĕсем муниципалитет округĕнче иртекен спорт, культура мероприятийĕсене тăтăшах хастар хутшăнаççĕ. Ветерансемпе тачă çыхăнса ĕçлеççĕ. Кăçал вĕсем Чăваш Республикинчи ШĔМ чемпионатĕнче мини-футболла выляса пĕрремĕш вырăн йышăннă.

Юхмапа Пăла тăрăхĕнчи полицин патрульпе пост службин отделени командирĕ Александр Патшин прапорщик вара республикăра професси тĕлĕшпе чи лайăххи ята тивĕçме пултарни коллектившăн чăннипех те пысăк хисеп

. Альбина ЕГОРОВА