Çак кунсенче Чăваш Республикин Пуçлăхĕн Администрацийĕн çамрăксен политикин управленийĕн начальникĕ Иван Филиппов тата Патăрьел муниципалитет округĕн пуçлăхĕ Рудольф Селиванов пĕрле хутшăнса ĕçлес пирки калакан килĕшĕве алă пусса çирĕплетнĕ.

– Юхмапа Пăла тăрăхĕнче çамрăксемпе ĕçлесси тата вĕсене пур енлĕн аталанччăр тесе тимлĕх уйăрасси - округ администрацийĕн тĕп тĕллевĕсенчен пĕри. Çакă пире çамрăксен политикине аталантарассипе çыхăннă программăсене туллин пурнăçа кĕртме çеç мар, влаç органĕпе çамрăксен пĕрлĕхне тата ытларах çывăхлатма та май парать. Ĕçри çĕнĕ формат пĕрлехи программăсен участникĕсене валли анлă çул-йĕр уçма та пулăшĕ,- палăртнă Рудольф Селиванов.

(Хамăр корр.).