Çамрăксем тăрăшуллă

Патăрьелĕнчи "Паттăр" спорт шкулти Николай Зимин тренер ертсе пыракан йывăр атлетика секцине çỹрекенсем ытти çулсенче те республика чемпионачĕсенче çитĕнỹсемпе палăратчĕç. Кăçал та тăрăшулăх кăтартнă вĕсем. Шупашкарта иртнĕ ăмăртура çамрăк спортсменсем мала тухса савăнтарнă: Ника Косолапова, Катя Шапкина иккĕмĕш, Софья Сироткина виççĕмĕш, Артем Каруев тăваттăмĕш вырăнсене йышăннă.

Пĕрлехи çитĕнỹ туслăхра

Шупашкарти маунтинбайк аталану центрĕн базинче фитнес-аэробикăпа чемпионат иртнĕ. Патăрьелĕнчи "Паттăр" спорт шкулĕн фитнес-аэробика (тренер преподавателĕ Татьяна Торговцева) секцине çỹрекенсем ăнăçлă ăмăртнă. Ку хутĕнче 11-13 çулсенчи спортсменсем палăрнă. "Степ-аэробика" дисциплининчи "Грация" команда иккĕмĕш, "Батыр ачисем" виççĕмĕш, "Огонек" тăваттăмĕш вырăнсене тухнă.

Хастарсем - республика команди йышĕнче

 2004-2006 тата 2007-2008 çулсенче çуралнă арçын ачасемпе хĕрачасем хушшинче ирĕклĕ майпа кĕрешекенсен республикăри турнирĕ иртнĕ. Унта "Паттăр" спорт шкулĕн воспитанникĕсем те хутшăннă. Кирилл Макаров 48 килограмлă виçере, Иван Кутузов 125 килогрампа иккĕмĕш, Владимир Журавлев 55 килогрампа, Аяз Хисамутдинов - 65, Ильяс Мифтахутдинов - 80, Дарья Михайлова - 46, Андрей Козлов - 65, Роман Николаев 70 килогрампа виççĕмĕш вырăнсене йышăннă. Çĕнтерỹçĕсемпе призерсене кубоксемпе, медальсемпе, дипломсемпе хавхалантарни те кăмăллă.

Чупса та, ишсе те ăмăртнă

Патăрьелĕнчи "Паттăр" спорт шкулта шывра ишессипе ăмăрту иртнĕ. Çакă олимп триатлонĕн тепĕр спорт енĕ вăл. Унта çамрăксем чупса тата ишсе тупăшаççĕ.

Ăмăртура "Паттăр" спорт шкула çỹрекенсем хастарлăх кăтартнă. Вĕсен Тутарстан Республикин Çĕпрел районĕн тата Канаш районĕнчи "Импульс" спорт шкулĕн çамрăкĕсемпе тупăшма тивнĕ.

Чи маттуррисем мала тухнă. Çĕнтерỹçĕсем грамотăсемпе медальсене тивĕçнĕ.

Альбина Иванова