Ноябрĕн 14-мĕшĕнче 12 сехетре Чăваш Ен Пуçлăхĕ Олег Николаев "Радио родных дорог" хумĕсем çинче "тỹрĕ лини" ирттерчĕ.

 Уçă калаçăва çынсем кĕтни куç кĕретех. Пурĕ 304 ыйту, вăл шутран социаллă сетьсем урлă - 234, Патшалăх пулăшăвĕсен каялла çыхăнмалли платформăран - 48, телефонпа 22 ыйту кĕнĕ. Эфир вăхăтĕнче регион ертỹçи 32 ыйтăва хурав пама ĕлкĕрчĕ. Тĕпрен илсен вĕсем ятарлă çар операцийĕпе, тавралăха тирпей-илем кĕртессипе, коммуналлă хуçалăх тытăмĕпе, çул-йĕрпе, транспортпа, шкулсемпе ача сачĕсене юсаса çĕнетессипе, хуçасăр йытăсемпе тата ытти ыйтусемпе çыхăннисем пулчĕç. Эфир вăхăтĕнче янăраман пăшăрханусем те тимлĕх- сĕр юлмĕç.

"Чăваш Енри кашни çын кунта пурăннипе мăнаçлантăр. Пирĕн республикăна килсе куракансен вара кунта татах килме туртăм пултăр", - терĕ Олег Алексеевич уçă калăçăва пĕтĕмлетсе.

Александр ИВАНОВ