Шахмат - хăйне евĕрлĕ илĕртỹллĕ вăйă. Ăна тарăн шухăшласа вылямалла. Патăрьел муниципалитет округĕн "Паттăр" ачасемпе çамрăксен спорт шкулĕнче шахмат турнирĕ иртнĕ. Унта Первомайскинчи, Тутар Сăкăтĕнчи, Хирти Пикшикри, Нăрваш Шăхалĕнчи, Патăрьелĕнчи пĕрремĕш тата иккĕмĕш вăтам шкулсенче вĕренекенсем хутшăннă.

Ăмăрту çивĕч пынă. Кашнийĕшĕ хăйĕн ăсталăхне кăтартма тăрăшнă. Мат париччен тупăшмаллах пулнă. Вăтам шкулсем хушшинче Первомайскинчи пĕрремĕш, Хирти Пикшикри иккĕмĕш, Нăрваш Шăхалĕнчи виççĕмĕш вырăнсене йышăннă. Пĕтĕмĕшле пĕлỹ паракан тĕп шкулсенчен вара Хирти Пикшиксем пĕрремĕш, Тутар Сăкăтсем иккĕмĕш, Первомайскисем виççĕмĕш вырăнсене тухнă.

Альбина ИВАНОВА