ШЕЛ пулин паян çакăн пек çынсем нумай мар. Вăтаелĕнче пурăнакан Василий Сабаев ĕç ветеранне çулсем пĕрин хыççăн тепри ылмашăнса пыни тунсăх кỹмест. Вăл Туçа территори пайĕнче çеç мар, муниципалитет округĕнче иртекен культура мероприятийĕсене те хастар хутшăнать, çынсене хăй çырнă юрăсемпе те савăнтарать. Сăмах май каласан, сцена ăсти хăйне килĕшекен юрăсене тĕрлĕ чĕлхерен чăвашла куçарса халăх умĕнче шăрантарать. "Мы из деревни родом" юрăпа вăл Патăрьелĕнчи тĕп сцена çине те пĕрре мар тухнă.

 Василий Иванович нумай çул физкультура учителĕнче тăрăшнă. Спортсмен вăхăтĕнче 100 метрлă дистанцие хăвăрт чупассипе пĕр хутчен мар Чăваш Республикин чемпионĕ ята та тивĕçнĕ.