Аннесен кунĕ ячĕпе Патăрьелĕнчи "Аделия" кафере çавра сĕтел йĕркелерĕç. Ку хутĕнче унта Тăван çĕршыв чĕннипе тата чĕре хушнипе ăна хỹтĕлеме тăнисен амăшĕсемпе мăшăрĕсем хутшăнчĕç.

Мероприятие Патăрьел муниципалитет округĕн пуçлăхĕ Рудольф Селиванов, муниципалитет округĕнчи депутатсен Пухăвĕн председателĕ Николай Тинюков, Патăрьел тата Шăмăршă районĕсен çар комиссарĕ Вячеслав Илюткин, халăха социаллă пулăшупа тивĕçтерекен центр заведующийĕ Наталия Федоськина, социаллă хỹтлĕх пайĕн начальникĕ Наталия Никитина, халăха ĕçпе тивĕçтерекен центр ертỹçи Марсель Сафиянов, Ирина Кляжева юрист, Ашшĕсен канашĕн председателĕ Николай Андреев, ятарлă çар операцине хутшăнакансене пулăшу кỹрекен "Защитники Отечества" фондăн Чăваш Республикинчи филиалĕн Патăрьел тата Шăмăршă муниципалитет округĕсенчи социаллă координаторĕ Алена Петрова, округри Хĕрарăмсен канашĕн председателĕ Алена Горшкова хутшăнчĕç, сăмах каларĕç.

 "Эпир сирĕн ывăлăрсемпе чăннипех те мухтанатпăр. Вĕсем муниципалитет округĕшĕн, республикăшăн, Раççейшĕн - паттăрсем. Сирĕн юратăвăр, амăшĕсен вăй-хăвачĕ каччăсене çапăçу хирĕнче хавхалантарса тăтăр. Ентешсем часах çĕнтерỹпе таврăнасса шансах тăратпăр",- терĕ Рудольф Васильевич. Çавăн пекех вăл Украинăри ятарлă çар операцине хутшăнакансен çемйисене пулăшу пани пĕлтерĕшлĕ пулнине палăртрĕ.

Халăха социаллă пулăшупа тивĕçтерекен центр заведующийĕ Наталия Федоськина, социаллă хỹтлĕх пайĕн начальникĕ Наталия Никитина çар операцине хутшăнакансен çемйисене пулăшу кỹмелли майсем çинчен каласа пачĕç, документсене хатĕрлемелли йĕркесемпе паллаштарчĕç, ыйтусем çине хуравларĕç.

Анне - тĕрев, кил вучахне упраканĕ. Сăкăтри ача сачĕн заведующийĕ Надежда Нртина амăшĕсен ячĕпе муниципалитет округĕн администрацине хăйсене пулăшса пынăшăн тав туса сăмах каларĕ.

 Патăрьелĕнчи централизациленĕ клуб ĕçченĕсем аннесем çинчен хывнă юрăсем юрларĕç. "Солнышко" ача садне çỹрекенсемпе воспитательсем паттăрсен çывăх çыннисене хăйсен пултарулăхĕпе савăнтарса ăшă туйăм парнелерĕç.

Альбина АСТРАХАНЦЕВА