Патăрьел муниципалитетĕнчи çĕнĕ ĕç эрни йăлана кĕнĕ канашлуран пуçланнă. Малтанах структура подразделенийĕсен ертỹçисем кашни сферăрах пурнăçланă ĕçсемпе, малашлăх плансемпе паллаштарнă. Канашлурах хальхи вăхăтри тĕп ыйтусене - юсавпа строительсво ĕçĕсем, çулсене тасатасси, урамсене çутăпа тивĕçтересси, пахалăхлă медицина тивĕçтерĕвĕ, çỹп-çап контейнерĕсене кирлĕ пек пăхса тăрасси тата вĕсене вăхăтра илсе тухасси - çивĕчлетнĕ. Муниципалитет округĕн пуçлăхĕ Рудольф Селиванов кашни ыйтупа тĕплĕн, пайăрлă ĕçлемеллине каланă.