ЮХМАПА Пăла тăрăхĕнче паянхи кун саланакан "Авангард" хаçата çемьесенче те, ĕç коллективĕсенче, ял хуçалăх предприятийĕсенче те çырăнса илеççĕ. "Исток", "Красное Знамя" хуçалăхсем, "Авангард" пĕрлешỹ тата ыттисем те хăйсен ĕçтешĕсене çур çуллăх парне туни те кăмăллă. Иртнĕ çырăнтару тапхăрĕнче çынсем хăйсен çывăх тăванĕсене, куммăшĕсене те çур çуллăха "Авангард" хаçата çырăнса пачĕç. Çак пулăм та кăмăллă. "Чун апатне" парне тума кая юлман-ха. Халĕ шăпах 2024 çулхи пĕрремĕш çур çул валли çырăнтараççĕ. Сăмах май каласан, ăна почта çыхăну уйрăмĕ урлă та, редакцие килсе илсе тăмалла та çырăнма пулать.